ხათუნა ხუნდაძე

პროექტის ხელმძღვანელი, კინორეჟისორი და პროდიუსერი. სამედიცინო განათლების (პედიატრი) მიღების შემდეგ, სწავლა გააგრძელა გერმანიაში, შტუტგარტის სახელმწიფო სამხატვრო აკადემიაში კერამიკა/ქანდაკების განხრით. ლუდვიგსბურგის კულტურის მენეჯმენტის ინსტიტუტში სწავლის გასრულების შემდეგ მუშაობდა გამოფენის კურატორად და ივენთ მენეჯერად, როგორც თავისუფალი ხელოვანი, მონაწილეობდა სხვადასხვა გამოფენაში. შტუტგარტში დააარსა არაპროფესიონალ მხატვართა გალერეა. 2012 წლის ბოლოს დაინიშნა საქართველოს კულტურისა და ძეგლთა დაცვის მინისტრის მოადგილედ, შემდეგ კურირებდა საერთაშორისო ურთიერთობებისა და ქართული კულტურის პოპულარიზაციის დეპარტამენტს. 2012-2014 წლებში სწავლობდა შოთა რუსთაველის თეატრისა და კინოს სახელმწიფო უნივერსიტეტის მაგისტრატურაში, კინოტელერეჟისორის სპეციალობაზე. 2016 წლიდან არის სააქციო საზოგადოება „ქართული ფილმის“ დირექტორთა საბჭოს წევრი, შემდგომში – თავმჯდომარე, ქართული ფილმის განვითარების ფონდის გამგეობის თავმჯდომარე, 2020 წლიდან – მესტიის მოკლემეტრაჟიანი და მთის ფილმების საერთაშორისო კინოფესტივალის დამფუძნებელი და დირექტორი. რეჟისორის რანგში გადაღებული აქვს რამდენიმე მხატვრული და დოკუმენტური ფილმი, მუშაობდა კინომხატვრად, სცენარის ავტორად, კინოპროდიუსერად. ამჟამად, არის მერაბ კოკოჩაშვილის სრულმეტრაჟიანი კინოსურათის პროდიუსერი. ამასთანავე, იგი 70-მდე წიგნის შემდგენელია.